Настройкі
Цэнтральная выбарчая камісія
Рэспублікі Беларусь
Галоўная  /  Навiны

Сусветны дзень выбараў

06.02.2019
Спасылка скапiявана ў буфер абмену

7 лютага 2019 г. адзначаецца 14-я гадавіна Сусветнага дня выбараў.

Традыцыя адзначаць гэты дзень пачалася ў 2006 годзе па ініцыятыве Асацыяцыі арганізатараў выбараў краін Еўропы (АСЕЕЕО) і была падтрымана Арганізацыяй Аб'яднаных Нацый.

Сусветны дзень выбараў адзначаецца штогод у першы чацвер лютага, паколькі большасць міжнародных пагадненняў па выбарчых пытаннях былі падпісаны ў першыя дні лютага.

Засноўваючы Сусветны дзень выбараў, арганізатары імкнуліся прыцягнуць увагу людзей да праблемы забеспячэння выбарчых праў грамадзян і ўдасканалення выбарчых працэсаў.

Мэтай гэтага дня з'яўляецца напамін пра важнасць дэмакратычных выбараў, павышэнне актыўнасці ўдзелу выбаршчыкаў, а таксама напамін палітыкам пра іх адказнасць за ўмацаванне дэмакратыі.

З нагоды святкавання Сусветнага дня выбараў адбылася сустрэча Старшыні Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў Л.М.Ярмошынай з членамі Маладзёжнай палаты пры Мінскім гарадскім Савеце дэпутатаў.

Старшыня Цэнтральнай камісіі расказала пра выбарчую сістэму Рэспублікі Беларусь, пра выбарчыя кампаніі, якія павінны адбыцца, пра дзейнасць Цэнтральнай камісіі, адказала на пытанні членаў Маладзёжнай палаты.

Старшыня нагадала членам Моладзевай палаты пра важнасць выбараў, пажадала гасцям не быць абыякавымі, знаходзіць матывацыю і час для ўдзелу ў выбарах, а таксама ўсведамляць адказнасць за стварэнне будучыні сваёй краіны, таму што кожны голас мае значэнне.

У сувязі з Сусветным днём выбараў Цэнтральная камісія накіравала віншаванні Асацыяцыі арганізатараў выбараў краін Еўропы (АСЕЕЕО), Сусветнай асацыяцыі выбарчых органаў (A-WEB), а таксама сваім калегам з іншых краін.

   

Усе навіны