Аб нагляданні за рэспубліканскім рэферэндумам у Казахстане
06.06.2022
Па запрашэнні Цэнтральнай выбарчай камісіі Рэспублікі Казахстан сакратар Цэнтральнай выбарчай камісіі Рэспублікі Беларусь А.А.Балдоўская і член Цэнтральнай камісіі К.А.Федасенка прынялі ўдзел у нагляданні за падрыхтоўкай і правядзеннем рэспубліканскага рэферэндуму па Канстытуцыі Рэспублікі Казахстан, які адбыўся 5 чэрвеня 2022 г.
Напярэдадні дня галасавання Балдоўская А.А. і Федасенка К.А. разам з іншымі міжнароднымі наглядальнікамі прынялі ўдзел у сустрэчы з кіраўніцтвам ЦВК Казахстана, а ў дзень рэферэндуму ажыццяўлялі нагляданне за ходам галасавання ў г. Нур-Султане.
Па завяршэнні галасавання Балдоўская А.А. прыняла ўдзел у абмеркаванні і падпісанні Заявы Місіі наглядальнікаў ад Садружнасці Незалежных Дзяржаў па выніках наглядання за падрыхтоўкай і правядзеннем рэспубліканскага рэферэндуму па ўнясенні змяненняў і дапаўненняў у Канстытуцыю Рэспублікі Казахстан.