Міжнародны форум #GBC

Старшыня Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў Л.М.Ярмошына прыняла ўдзел у першым Міжнародным форуме #GBC (Дзяржава. Бізнес. Грамадзяне), які праходзіў 28–29 красавіка ў г. Мінску. Удзел у мерапрыемстве быў даступны ў тым ліку і ў анлайн-фармаце.

У рамках форуму былі прэзентаваны дасягненні і праекты ў вобласці электроннага ўзаемадзеяння дзяржавы, бізнесу і грамадзян, а таксама абмеркаваны пытанні перспектыўнага развіцця нашай краіны ў галіне інфарматызацыі і цыфравізацыі.

Арганізатарамі форуму пры падтрымцы Аператыўна-аналітычнага цэнтра пры Прэзідэнце Рэспублікі Беларусь выступілі рэспубліканскія ўнітарныя прадпрыемствы "Нацыянальны цэнтр абмену трафікам» і «Нацыянальны цэнтр электронных паслуг».