Міжнародная навукова-практычная канферэнцыя ў Санкт-Пецярбургу

6 кастрычніка ў Санкт-Пецярбургу пачалася Міжнародная навукова-практычная канферэнцыя "Канвенцыя СНД аб стандартах дэмакратычных выбараў: адкрытая прастора міжнароднага супрацоўніцтва", прысвечаная 20-годдзю падпісання Канвенцыі аб стандартах дэмакратычных выбараў, выбарчых правоў і свабод у дзяржавах - удзельніцах Садружнасці Незалежных Дзяржаў.

Старшыня Цэнтральнай выбарчай камісіі І.В.Карпенка пачаў свой удзел у канферэнцыі з агляду выстаўкі "Перадавыя тэхналогіі ў выбарчым працэсе", затым выступіў на круглым стале "Моладзь выбірае" па тэме "Роля цэнтральных выбарчых органаў у павышэнні прававой культуры маладога выбаршчыка".

Форум арганізаваны Міжпарламенцкай Асамблеяй дзяржаў - удзельніц СНД сумесна з Выканаўчым камітэтам СНД і Цэнтральнай выбарчай камісіяй Расійскай Федэрацыі. У мерапрыемстве ўдзельнічаюць парламентарыі дзяржаў - удзельніц МПА СНД, кіраўнікі ўстаўных органаў СНД, міжнародных арганізацый, органаў дзяржаўнай улады і адміністравання выбараў, грамадскіх арганізацый, кіраўнікі і прафесарска-выкладчыцкі састаў вышэйшых навучальных устаноў, вучоныя і эксперты.

Адбылася сустрэча Старшыні ЦВК Беларусі з Генеральным сакратаром - кіраўніком Сакратарыята Савета Міжпарламенцкай Асамблеі дзяржаў - удзельніц СНД Д.А.Кабіцкім, у ходзе якой абмяркоўваліся пытанні супрацоўніцтва і развіцця заканадаўства ў электаральнай сферы на прасторы СНД.